Premier League thyen çdo rekord, 815 milionë paund të shpenzuara në merkaton e janarit

Premier League ka thyer çdo rekord shpenzimesh në merkaton e transferimeve dimërore që sapo ka përfunduar, duke lënë pas të gjitha ligat e tjera kryesore.

Transferimi i minutave të fundit i Enzo Fernandez nga Benfika te Chelsea e çon shumën totale të investuar nga klubet në ligën angleze në 815 milionë paund, pasi argjentinasi kushtoi 121 milionë.

Pasi klubi i Chelsea kaloi nën pronësinë e grupit të ri të udhëhequr nga investitori amerikan Todd Boehly, blutë e Londrës realizuan disa nga transferimet më të mëdha në merkaton e janarit.

Sipas faqes së internetit të të dhënave të futbollit “Transfermarkt”, Chelsea zuri vendin e parë për shpenzimet më të larta në këtë merkato, rreth 358 milionë dollarë.

Shpenzimet e tarifave të merkatos ishin 40% më të larta se rekordi i mëparshëm prej 611 milionë dollarësh në vitin 2018./ h.ll/abcnews.al