Nuk ka surpriza në Beograd!
Korçarët dështojnë dhe mposhten me rezultatin 2-0 duke mbyllur pa sukses endrrën për fitore në Serbi.
Kanë qenë Tosiç dhe Tavamba që i kanë dhënë fitoren skuadrës serbe të Partizanit të Beogradit, e vlefshme për Grupin B në Ligën e Europës.
Pjesa e parë ka nisur vrullshëm për koçarët të cilët që në minutat e para kanë kërkuar golin. Në minutën e 5-të Vangjeli tentoi me një goditje nga jashtë zonës, por topi pritet nga Stojkoviç.
Në minutën e 14 Gledi Mici shkakton një faull në një pozicion të rrezikshëm. Tosiç gjuan duke tentuar portën, por grushton protieri Shehi. Në minutën e 39 mosfushori Tosiç nuk gabon. Ai ekzekuton një goditje dënimi dhe gjuan direkt në portë, topi përfundon në rrjetë, duke lënë portierin Shehi të shtangur.
Skënderbeu kërkon të reagojë pas golit të pësuar. Vangjeli tenton me një goditje nga jashtë zonës, por Stojkoviç kontrollon me vështirësi topin. Pjesa e parë mbyllet me rezultatin 1-0.
Skuadra korçare nuk pajtohet me rezultatin, ndaj në pjesën e dytë shton presionin. Në minutën e 57, Taku pason bukur për Micin në hyrje të zonës, por ky i fundit e humb topin në momentin që tenton të krosojë.
Vendasit kundërpërgjigjen me dy aksione të njëpasnjëshme, por Orges Shehi shpëton për mrekulli portën korçare.
Tavamba në minutën e 61 bën një gjuajtje të rrezikshme dhe një minutë me vonë me kokë tenton portën brenda zonës, por Shehi bën pritje shpëtimtare.
Në minutën e 66 Partizani i Beogradit shënon golin e dytë me anë të Tavambasë, i cili vulos edhe rezultatin. Lilaj gabon pas një topi të dhënë nga Orges Shehi duke ua dorëzuar vendasve. Tavamba nuk e ka të veshtirë ta shtyjë topin në rrjetën e korçarëve.
Djemte e Dajës kërkojnë të korrigjojnë gabimin. Në minutën e 72 Radas ekzekuton një goditje dënimi duke tentuar portën, por topi kontrollohet nga Stojkoviç.
Me këtë rezultat Skënderbeu renditet në vendin e fundit me vetëm 2 pikë, ndërsa Partizani Beogradit ngjitet në vendin e dytë me 5 pikë. Kryeson grupin skuadra e Dinamos së Kievit e cila mposhti Jang Bois, të renditur në vendin e tretë.
