Hungaria do ia pësojë Polonisë Presidencën e radhës të Bashkimit Evropian për 6 muajt e ardhshëm dhe ajo që kërkohet prej Shqipërisë është vazhdimi njësoj në rrugën e integrimit.
Ministri i Punëve të Jashtme të Polonisë, Radosłaë Sikorski gjatë takimit në Tiranë me homologun shqiptar, Igli Hasani tha se për vendin e tij, zgjerimi i BE-së do të jetë përparësi, ndërsa Shqipëria pritet të avancojë me hapjen e grup-kapitujve të tjerë.
‘Zgjerimi i be është një përparësi e presidencës së Polonisë. Përpjekjet këmbëngulëse shpërblehen. Shqipëria ka dëshmuar angazhimin në reforma, sidomos në sundimin e ligjit apo respektimin e të drejave të njeriut. Ne jemi gati për hapa konkretë për t’ju mbështetur në procesin e integrimit”
Të martën në Bruksel u zhvillua Konferenca e Tretë ndërqeveritare Shqipëri-BE, për hapjen e grup-kaptuillit të 6-të të negociatave, atë të Marrëdhënieve me Jashtë. Kryeministri Rama shprehu ambicien që brenda 2025 të hapen të gjithë grup-kapitujt, me synimin për ta përmbyllur gjithë këtë proces gjatë 2027.
