Udhëheqësi i partisë “Serbia e Bashkuar” Dragan Markoviç u bëri thirrje qytetarëve të vendit të tij që të mos shkojnë për pushime në Shqipëri. Sipas deputetit serb është e pakuptueshme që të bëhet turizëm në Shqipëri, pasi sipas tij është vendi i cili, “nxiti atë që shqiptarët u bënë serbëve në Kosovë”.
“Unë nuk mund ta kuptoj dikë që thotë “kalova një kohë të këndshme në Shqipëri”. Në Luftën e Parë dhe të Dytë Botërore dhe në ngjarjet e fundit në Kosovë u kryen krime të tmerrshme kundër serbëve. Të gjithë serbët u dëbuan falë Shqipërisë”, tha ai. Markoviç inkurajon serbët të shkojë me pushime në Greqi./ db/Abcnews.al
