Policia në Iran arreston 17 persona për një seri videosh virale shakash të postuara në Instagram

schedule07:24 - 28 Janar, 2022

schedule 07:24 - 28 Janar, 2022

Policia në Iran ka arrestuar 17 persona për një seri videosh virale shakash në rrugë të postuara në Instagram. Këta persona regjistruan veten duke falsifikuar vrasje dhe duke hedhur tortë drejt qytetarëve të ndryshëm që përdornin shkallët lëvizëse, para anëtarëve të tronditur të publikut. Policia tha se influencuesit “mbollën panik” për të rritur numrin e ndjekësve të tyre.

Autoritetet iraniane mbajnë kontroll të rreptë mbi internetin dhe arrestimet vijnë si pjesë e një goditjeje më të gjerë të policisë ndaj përdorimit të mediave sociale. Një video e filmuar në fshehtësi tregoi një influencues rrjetesh sociale që dënonte gruan e tij për shkak se i dërgoi një emoji zemre dikujt, përpara se të bënte sikur i preu kokën ndërkohë që një pasagjer taksie i tmerruar i shikonte.

Viktima e një marifeti tjetër ishte regjistruar duke hipur në një shkallë lëvizëse kur ai u lye në fytyrë me një byrek krem, përpara se të ndiqte influencuesit e rrjeteve sociale dhe të hidhte me zemërim çantën e shpinës dhe këpucët pas tyre. Shefi i policisë së Teheranit akuzoi përdoruesit e Instagramit se “luajnë me nervat e njerëzve dhe paqen dhe sigurinë e publikut”. Ai tha gjithashtu se videot ishin filmuar pa lejet e duhura raporton “BBC”.

Një nga personat e arrestuar u tha mediave iraniane se kishte kërkuar leje nga viktimat e tij përpara se të postonte videot në internet, duke shtuar se ai u kishte ofruar atyre 20 dollarë për të kompensuar çdo shqetësim. “Thjesht doja t’i bëja njerëzit të lumtur dhe të shtoja ndjekësit e mi në Instagram”, ka shpjeguar ai. “BBC Monitoring” zbuloi se një tjetër prej të arrestuarve me sa duket e pranoi gabimin e tij në një intervistë nga burgu.

Ai tha se “duhet të kisha aplikuar për leje dhe ka kërkuar falje”. Nuk është ende e qartë nëse të dyshuarit e arrestuar janë akuzuar zyrtarisht, që do të thotë se ata ende mund t’i shpëtojnë burgut. Arrestimet vijnë në mes të një goditjeje më të gjerë të përdorimit të mediave sociale nga autoritetet iraniane.

Të enjten policia e Teheranit njoftoi arrestimin e 94 personave të tjerë të akuzuar për “vandalizëm dhe shfaqje agresioni” në mediat sociale. Në një rast, policia tha se kishte arrestuar 16 persona për promovimin e “kulturave në zhvillim dhe jonormale” në internet, duke shtuar se llogaritë e tyre tani ishin mbyllur. / abcnews.al