Efektivë të policisë së Shkodrës kanë ndërhyrë në mesin e një dasme, që po zhvillohej në një lokal.
Ndërhyrja e policisë ka ardhur në kuadër të Aktit Normativ që ndalon dasmat dhe organizmit festive për shkak të pandemisë.
Uniformat blu njoftojnë se pas njoftimit të marrë se në një lokal po organizohet dasmë, menjëherë është bërë verifikimi duke shkuar në adresën e dhënë.
Në momentin që kanë mbërritur forcat policore shtetasja E. N., 25 vjeçe, banuese në Shkodër, si menaxhere e këtij subjekti, ka mbyllur portën hyrëse duke penguar forcat e policisë të futen në ambientet e brendshme për kontroll, në kuadër të masave anticovid.
Pas kësaj është gjobitur me 1 milion lekë menaxherja e lokalit. Po ashtu, ajo është proceduar edhe penalisht për kundërshtim të forcave policore.
Njoftimi i policisë:
Organizon dasëm në ambientet e lokalit në kundërshtim me Aktin Normativ, procedohet me masë administrative 1 milion lekë menaxherja e subjektit (lokal)
Njëkohësisht menaxherja e lokalit procedohet edhe penalisht për kundërshtim të forcave policore.
Nga shërbimet e Komisariatit të Policisë Shkodër, në zbatim të Aktit Normativ nr. 3, pas njoftimit të marrë në Polici se në nje lokal po organizohet dasëm, menjëherë është bërë verifikimi duke shkuar në adresën e dhënë.
Në momentin që kanë mbërritur forcat policore shtetasja E. N., 25 vjeçe, banuese në Shkodër, si menaxhere e këtij subjekti, ka mbyllur portën hyrëse duke penguar forcat e policisë të futen në ambientet e brendshme për kontroll, në kuadër të masave anticovid.
Nga strukturat e Policisë janë kryer veprimet hetimore ku është proceduar ne gjëndje të lirë shtetasja E. N., për veprat penale “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik” si dhe në zbatim të Aktit Normativ nr. 3, është marrë masa administrative ndaj këtij subjekti me 1 milion lekë.
/abcnews.al
