Pronarë dhe administratorë të mjeteve lundruese dhe detare kanë dalë protestë përpara policisë kufitare në Vlorë.
Ata protestojnë për bllokimin e lundrimit të mjeteve lundruese pikërisht në kulmin e sezonit turistik.
Sipas tyre mjetet dhe lundrimi po bllokohen pa arsye për shkak të një aksidenti, duke iu referuara tragjedisë në Himarë, ku mbeti e vrarë 7-vjeçarja, Jonada.
Lexo KËTU gjithçka mbi tragjedinë në Himarë
Ata pretendojnë se kanë në rregull të gjitha dokumentacionet dhe se paguajnë taksa dhe sigurime shoqërore.
Siç tregojnë ata dokumentet e tyre janë verifikuar dhe kanë dal të rregullta dhe sërish ata nuk janë lejuar të lundrojnë.
Gjithashtu pronarët e mjeteve tregojnë se bllokimi i tyre në kulmin e sezonit turistik i penalizon, pasi kanë taksa dhe fatura për të paguar dhe nuk ia dalin dot t’i paguajnë.
“Jemi kredimarrës dhe e kemi lakun në fyt nëse nuk punojmë”, shprehen protestuesit./abcnews.al/
