Dy emigrantë të paligjshëm shqiptarë që grabitën një shtëpi do të burgosen dhe më pas do të dëbohen nga Britania. Sebastiano Gjoni, 23 vjeç dhe Skelidano Koliqi, 26 vjeç, u arrestuan pasi u kapën në një përpjekje për të grabitur një shtëpi luksoze në lagjen e futbollistëve në fshatin Alderley Edge në janar të këtij viti.
Policia u alarmua për bastisjen kur banorët e pronës telefonuan 999 pasi dëgjuan zhurma që vinin nga kati i poshtëm në orën 20:00. Viktimat bërtisnin ‘Grabitës, grabitës’ dhe u mbyllën në dhomën e tyre të gjumit përpara se oficerët të mbërrinin 13 minuta më vonë dhe t’i gjenin të pandehurit.
Një gjykatë tha se Gjoni dhe Koliqi kishin hyrë fshehurazi në Mbretërinë e Bashkuar ilegalisht me shpresën për të gjetur punë, por pasi u gjetën nga policia, 23-vjeçari pranoi: ‘Më në fund u kapëm. Këtu është jashtëzakonisht ftohtë. Nuk kemi ku të shkojmë.’
Policia zbuloi gjithashtu se Gjoni, i cili flet rrjedhshëm italisht, gjermanisht dhe anglisht, kishte kryer një tjetër bastisje vetëm pesë ditë më parë në një pronë prej 3 milion paund në Halebarns aty pranë.
Gjoni u dënua me 28 muaj dhe Koliqime 18 muaj pasi të dy pranuan vjedhjen.
Ata do të deportohen në Shqipëri pas lirimit nga burgu.
/abcnews.al
