Loading ...
Mesditën e sotme, një skenë si nëpër filma ndodhi në zonën e Liqenit të Thatë, ku 31 vjeçari Imer Krrashi tentoi t’i shpëtojë policisë duke aksidentuar 9 makina dhe një motoçikletë.
Gazetarja Bleona Sari raporton për ABC News se 31 vjeçari Imer Krrashi, përdorte edhe emrat Imer Masha dhe Imer Uka.
Ai është emër i njohur pasi njihej si “i forti i Niklës” dhe është akuzuar më parë për vjedhje me dhunë, kanosje, mosbindje dhe plagosje e lehtë.
Ndërkohë që, Policia dhe Forcat Shqiponja kanë blinduar Niklën duke kryer kontrolle tek miqtë dhe bashkëpunëtorët e Imer Krrashit. Kontrolle janë kryer gjithashtu edhe tek banesa e të arrestuarit dhe në zonën përreth. Sipas burimeve deri më tani është gjetur edhe një armë tjetër.
Sakaq, Imer Krrashi njihet edhe si shok I ngushtë me Marklen Hakën, një eksponent tjetër në botën kriminale.
