Fantazisti i Manchester United, Juan Mata, ka folur sot për Sky Sport, ku ka prekur disa tema delikate rreth “Djajve të Kuq”. United po kalon një moment shumë të vështirë dhe këtë gjë e ka pranuar dhe Juan Mata. Për shanset që “Djajtë” kanë për një vend mes katër skuadrave më të mira në Angli, spanjolli tha: “Ky sezon, është shumë i vështirë. Të rënditesh në katër vendet e para, është thuajse një mision i pamundur.
Megjithatë, ne do të bëjmë maksimumin që ta arrijmë këtë objektiv. Nuk po kalojmë një moment të mirë, por kjo gjë është e kuptueshme, pasi kemi shumë dëmtime. Pogba është një lojtar i madh, mungesa e tij ka ndikuar. Edhe Martial është një mungesë e rëndësishme. Kur të jemi të gjithë në 100%, besoj se kemi mundësi për të arritur një vend në Champions League, por po bëhet gjithmonë e më e vështirë”, përfundoi fantazisti./abcnews.al
