Prej shkarkimit të Graham Potter, “blutë” e Chelsea janë në kërkim të një tekniku të ri. Pas ardhjes së përkohshme të Frank Lampard, duket se “londinezët” e kanë gjetur dhe trajnerin për sezonin e ardhshëm, me argjentinasin Mauricio Pochettino, i cili është shumë afër firmës me “blutë”.
Klubi e do, po ashtu edhe lojtarët e tashmë nuk pritet asgjë tejtër përveç firmosjes së kontratës, mirëpo ende pa marrë në dorëzim, “frerët” e pankinës së Chelsea, Pochettino ka nisur të mendojë si trajneri i “bluve”, me argjentinasin që ka gati në kokën e tij, skemat dhe lojtarët që i duhen për ta ringjitur Chelsea-n aty ku e ka vendin.
Sipas mediave britanike, argjentinasi kërkon me ngul t’i dhurojë edhe një tjetër shans, “bomberit” belg, Romelu Lukaku. “Big Rom” u rikthye te Chelsea nga Inter në vitin 2021 për shumën e 97 milionë paundëve, me belgun që dështoi nën drejtimin e teknikut Thomas Tuchel teksa nuk përshtatej me skemat e gjermanit. /i.m /abcnews.al
