Një aksident i rëndë ka ndodhur pasditen e së premtes në Peqin. Dy motorë janë përplasur me njëri-tjetrin e për pasojë një person ka humbur jetën dhe një tjetër ka mbetur i plagosur.
Më aksident janë përfshirë Sh.Sh., rreth 40 vjeç, i cili humbi jetën dhe 52-vjeçari Y.I.
Gazetari i Abc News Aldo Kozarja raportoi se dy personat ishin duke bërë gara dhe, të ndikuar edhe nga lagështia në rrugë, janë përplasur me njëri-tjetrin.
Abcnews.al ka siguruar po ashtu edhe pamje nga vendi i ngjarjes ku duken mjetet e dëmtuar si dhe fakti që rruga është lagësht nga shiu.
Policia po heton më tej për zbardhjen e ngjarjeve.
Njoftimi:
Peqin/Informacion paraprak
Në aksin rrugor Karinë-Peqin, shtetasi Sh.Sh., rreth 40 vjeç, banues në Peqin, duke drejtuar motoçikletën është përplasur me një motoçikletë tjetër me drejtues shtetasin Y.I., rreth 52 vjeç. Si pasojë e aksidentit ka ndërruar jetë në spitalin e Peqinit shtetasi Sh.Sh. drejtuesi i motoçikletës.
Grupi hetimor ndodhet në vendngjarje dhe po punon për zbardhjen e shkakut të aksidentit. /abcnews.al/
