Një shqiptar ka humbur jetën në Gjermani pasi u qëllua me armë zjarri. Ngjarja e rëndë ndodhi mbrëmjen e së martës në Wolfsburg, ndërsa nga ngjarja ka mbetur i plagosur edhe një shqiptar tjetër.
Siç shkruajnë mediat, një dëshmitar lajmëroi autoritetet rreth orës 22:00. Sipas tij, u dëgjuan të paktën gjashtë të shtëna nga një makinë në lëvizje. Ndërkohë dy shqiptarët po lëviznin në këmbë në trotuar.
Dy të rinjtë që i përkasin moshave 30 dhe 31 vjeç dhe u dërguan menjëherë në spital. Fatkeqësisht 30-vjeçari nuk mundi t’u mbijetojë dot plagëve të marra.
Shkaqet e ngjarjes janë ende të paqarta, por autoritetet kanë ngritur një grup hetimor me 20 zyrtarë. Ndërkohë pritet që në ditët në vijim trupi i viktimës t’i nënshtrohet autopsisë./abcnews.al
