Trimat si Adem Jashari lindin rrallë dhe i tejkalojnë përmasat e heroit kombëtar, sepse vepra dhe akti vetëflijues me tërë familjen e tij, janë ngjarje unikale dhe të veçanta në tërë historinë e qytetërimit njerëzor.
57 persona nga familja Jashari humbën jetën në betejën e Prekazit përballë forcave serbe, gjatë tre ditëve luftime të ashpra dhe të përgjakshme në marsin e vitit 1998 (5-7 mars). Mes tyre edhe Adem Jashari, i cili u kthye në simbol frymëzimi dhe rezistence për shqiptarët.
Plisat, tifo grupi që mbështet Prishtinën dhe një nga grupimet ultras më të zjarrta në trojet mbarëshqiptare, kanë nisur një peticion për vendosjen e shtatores së Ademit në kryeqytetin dardan.
“Të shkruash për komandantin legjendar Adem Jashari dhe familjen Jashari është privilegj, por edhe përgjegjësi e madhe. Vepra dhe sakrifica e familjes Jashari është një vepër unike, vepër e cila ka sensibilizuar shumë bashkatdhetarë̈ të tjerë̈ t’i bashkëngjiten Ushtrisë Çlirimtare të Kosovës që ne të gëzojmë këtë liri që kemi sot.
Vepra e Adem Jasharit është nderuar në forma të ndryshme që nga rënia heroike e tij në të gjithë botën, por njëzet e tre (23) vjet pas luftës në kryeqytet akoma mungon shtatorja e heroit tonë kombëtar. Baca Adem e meriton të jetë në Prishtinë, përkrah heronjve të idealit të tij.
Prej nesër të premtën 09/07/2021, Plisat do të organizojmë peticionin për vendosjen e shtatorës së heroit kombëtar Adem Jashari në Prishtinë. Tenda e Plisave për peticion do të vendoset afër shtatorës së Skënderbeut.
Ftojmë gjithë qytetarët e Kosovës të vijnë në Prishtinë e të bashkohen këtij peticioni. Ju mirëpresim!“, lexohet në komunikatën zyrtare të Plisave. /abcnews.al
