Pasi mposhtën koronavirusin, Tom Hanks dhe gruaja e tij Rita Wilson vendosën të ndihmojnë të tjerët.
Në fakt, ai zbuloi në një intervistë në radio se ai kishte dhuruar plazmën e tij, e cila përmban antitrupat për të mposhtur virusin.
“Unë me të vërtetë shpresoj se mund të ndihmojë në shërimin e njerëzve”, tha Hanks
Përdorimi i plazmës nga të mbijetuarit e koronavirusit është ende eksperimentale, por studiuesit shpresojnë se kjo lloj terapie të jetë efektive. Ideja është që pacientëve të sëmurë t’u jepet plazma e gjakut e pasur me antitrupa nga pacientët e rikuperuar për t’i ndihmuar ata të luftojnë kundër virusit.
Metoda është përdorur gjatë pandemisë së gripit spanjoll në vitin 1918 dhe gjatë shpërthimit të SARS në 2003, tha Dr. Arturo Casadevall, kryetari i Departamentit të Mikrobiologjisë dhe Imunologjisë Molekulare.
Casadevall tha se duhet të bëhen më shumë hulumtime, por terapia e plazmës mund të jetë premtuese dhe historia është në anën e saj. Një dhurim plazmatik mund të trajtojë deri në tre pacientë të infektuar.
Ndërkohë, gara globale për të gjetur një vaksinë aktuale për COVID-19 vazhdon. Provat tek njerëzit për një vaksinë të zhvilluar në Universitetin e Oksfordit në Mbretërinë e Bashkuar filluan të enjten, duke bashkuar disa të tjerë në procesin e testimit. Sidoqoftë, shumica e ekspertëve ende mendojnë se do të duhen 12-18 muaj që një vaksinë të jetë e gatshme për popullin./abcnews.al
