SHKODËR- Ngjarje e rëndë në Shkodër. Gazetari i ABC News, Simon Shkreli raporton se pak çaste më parë disa të rinj janë përfshirë në sherr duke përdorur thikat, ndërsa raportohet për 3 të plagosur.
Njëri prej tyre ndodhet në reanimacion, në gjendje të rëndë për jetën. Ngjarja ka ndodhur afër Poliklinikës së qytetit. Gazetari thotë se adoleshentët kanë qenë në një lokal dhe më pas kanë vijuar sherrin në rrugë.
“Kanë qenë disa persona dha adoleshentë, që kanë qenë në një lokal dhe më pas ka plasur një sherr. Strukturat e policisë po këqyrin kamerat e sigurisë në lokalin. Ka nisur sherri pas ngacmimit të shoqeve të tyre, konflikt të cilin e kanë kaluar deri në përplasje me thikë.”, raportoi gazetari Shkreli.
Grupi hetimor ndodhet në vendin e ngjarjes, ndërkohë ka nisur hetimet për zbardhjen e rrethanave.
Njoftimi i policisë:
Rreth orës 12:30, në lagjen “Qemal Stafa”, në rrethana ende të paqarta, shtetasi A. H., rreth 18 vjeç ka dëmtuar me mjet prerës 3 bashkëmoshatarë të tij të cilët po marrin asistencën mjekësore në spital.Shërbimet e Policisë janë vënë të ndjekje të autorit dhe po ushtrojnë kontrolle në zonë, me qëllim kapjen e tij.Gjithashtu, grupi hetimor vijon punën për sqarimin e plotë të rrethanave të kësaj ngjarjeje./n.m. abcnews.al
