Foto ilustruese
Një ngjarje e rëndë ka tronditur vendin tonë mbrëmjen e kësaj të mërkure, pas asaj në Dukagjin.
Gazetarja e ABC News, Xhensila Kodra raporton se pas një konflikti mes 3 personave, Amanuel Gurit, Sadonel Bushatajt dhe Arsid Kutajt në Malësinë e Madhe, ka mbetur i plagosur me armë zjarri Emanuel Guri.
Pas ngjarjes është arrestuar autori Sadonel Bushataj dhe është shpallur në kërkim Ardis Kurtaj.
I plagosuri ka marrë plagë në pjesën e shpatullës dhe ndodhet në spital.
Njoftimi i policisë:
Malësi e Madhe/Informacion paraprak
Rreth orës 20:50, në fshatin Demiraj, pas një konflikti për motive të dobëta mes shtetasve E. G., e A. K., me shtetasin S. B., ka mbetur i plagosur me armë zjarri pistoletë jashtë rrezikut për jetën, shtetasi E. G., 28 vjeç.
Në vendngjarje kanë shkuar menjëherë shërbimet e Policisë dhe grupi hetimor.
Në vijim të veprimeve hetimore, u shoqërua në Komisariat për veprime të mëtejshme, shtetasi S. B., pasi dyshohet se gjatë konfliktit ka plagosur me armë zjarri shtetasin E. G.
Ndërkohë janë ngritur pika kontrolli dhe vijon krehja e zonës me qëllim kapjen e shtetasit A. K, i përfshirë në konflikt.
Grupi hetimor nën drejtimin e Prokurorisë vijon punën për sqarimin e rrethanave të ngjarjes./abcnews.al
