Detaje të reja janë zbardhur nga ngjarja e ndodhur paraditen e së martës në Balldren të Lezhës, ku Hile Gjini 43-vjeç u qëllua me armë zjarri pranë banesës nga 69-vjeçari Gjergj Gjini.
Bashkëshortja e 43 vjeçarit Hilë Gjini, mësohet se ka neutralizuar bashkëfshatarin e tyre Gjergj Gjini që të vijonte me të shtënat e armës.
Lexo edhe: EMRI/ Në makinë me 2 fëmijët, 43-vjeçari në Lezhë qëllohet me armë zjarri sapo del nga banesa
Sapo 69 vjeçari ka nxjerrë biçikletën ajo ka zbritur në tokë nga dera e pasme e mjetit dhe është përleshur me autorin.
Siç raporton për ABC gazetari Gjergji Figuri, bashkëshortja e 43-vjeçarit, fillimisht ka mundur ti ulë dorën e me pas ti rrëmbejë armën të moshuarit Gjergj Gjini i cili në ato momente po qëllonte drejt bashkëshortit të saj.
Lexo edhe: “Më helmoi delet”: Flet autori i plagosjes në Lezhë
Shenjat në duar të lënë nga përleshja ende evidentohen në duart e bashkëshortes së Gjinit, e cila është kujdesur edhe për fëmijët e mitur që ndodheshin në makinë.
Ndërkohë gjatë marrjes në pyetje nga hetuesit, i plagosuri që ndodhet në spitalin rajonal të Lezhës ka mohuar të ketë pasur konflikte me autorin e ngjarjes, pavarësisht se ai pretendon se i ka helmuar delet 15 vite më parë.
Kjo ngjarje mund të evitohej, pasi sipas informacioneve policia ka qenë disa herë tek banesa e tij ku edhe mund të kishte evidentuar armën zjarrit të cilën e kishte pa leje.
Ai ka thënë se gjithçka do t’ja lërë në dorë drejtësisë si për hetimet ashtu edhe për dënimin që do t’i jepet autorit që e plagosi.
/abcnews.al/
