SHKODËR-Ish-kreu i Partisë Socialiste në Vaun e Dejës, Nikolin Huba 54-vjeç, është plagosur me armë zjarri mëngjesin e sotëm në Shkodër. Ngjarja është regjistruar rreth orës 10:15, pranë Shkollës Pyjore në qytetin verior të vendit.
Mësohet se i plagosuri ka marrë dy plumba në këmbë dhe është jashtë rrezikut për jetën.
Gazetari i ABC, Simon Shkreli raporton se i plagosuri aktualisht është anëtar i Këshillit Bashkiak në Shkodër ndërsa punon edhe në OSHEE.
Njoftimi i policisë:
‘Më datë 04.09.2021, rreth 10:15, në afërsi të shkollës Pyjore, Shkodër, në rrethana ende të paqarta është plagosur me armë zjarri në këmbë, jashtë rrezikut për jetën shtetasi N. H., 54 vjeç, banues Vau Dejës. Në vendngjarje kanë mbërritur menjëherë shërbimet e Policisë ku vijon krehja e zonës për kapjen e autorit. Grupi hetimor nën drejtimin e Prokurorisë ndodhet në vendngjarje dhe vijon punë për sqarimin e rrethanave dhe zbardhjen e ngjarjes.’- njofton policia. /abcnews.al/
