Një 27-vjeçar është plagosur me armë zjarri mëngjesin e sotëm në Tiranë. Policia e kryeqytetit bën të ditur se ngjarja ka ndodhur në Sauk, pranë parkingut të një hoteli.
I riu dyshohet se është qëlluar me armë nga një person gjatë një konflikti mes tyre për motive ende të paqarta.
Sipas policisë, autori i krimit është identifikuar dhe është shpallur menjëherë në kërkim policor.
Ndërsa 27- vjeçari i plagosur, banues në Tiranë, u dërgua me urgjencë drejt spitali të Traumës dhe fatmirësisht ndodhet jashtë rrezikut për jetën./ABC News Albania 24/7
