Tre efektivë të policisë së Kukësit janë plagosur mbrëmjen e sotme si pasojë e një aksidenti në Rrugën e Kombit.
Gazetari i ABC, Gjergj Figuri raporton se rreth orës 20:10 në aksin rrugor Milot-Morinë në afërsi të një karburanti një makinë me drejtues një 35-vjeçar me inicialet E.A., emigrant në Angli është përplasur me automjetin e policisë tip “Ford”.
Si pasojë e aksidentit janë plagosur lehtë 3 punonjës policie të Kukësit, të cilët po marrin mjekim në spitalin e Mirditës.
Grupi hetimor, nën drejtimin e Prokurorisë Lezhë, po kryejnë veprimet hetimore për zbardhjen e plotë të rrethanave të ngjarjes./ Abcnews.al
