Juventusi kërkon një mbrojtës për të zëvendësuar Demiral (drejt Atalantës). Chiellini, Bonucci dhe De Ligt janë zgjedhjet e para të Max Allegrit, por trajneri nga Livorno dëshiron të ketë pjesë të skuadrës së tij edhe Nikola Milenkovic.
Mbrojtësi i Fiorentinës ka oferta të shumta. Në Premier League e pëlqejnë Liverpool dhe Tottenham, teksa West Ham ka nisur nga puna për të arritur një akord me klubin nga Firence.
Lojtari serb (23 vjeç) preferon transferimin te bardhezinjtë. Drejtuesit e Juventusit po negociojnë me Fali Ramadanin në lidhje me rikthimin e Miralem Pjanic në Torino.
Agjenti shqiptar zotëron edhe të drejtat ligjore të Milenkovic, i cili ka edhe një vit kontratë me Fiorentinën. Juventusi mund t’i sigurojë të dy lojtarët, të cilët vlerësohen shumë nga Allegri. /abcnews.al
