Stefano Pioli, trajneri i Milanit, ka dhënë një intervistë së fundmi dhe qartazi thotë se Zlatan Ibrahimovic duhet të qëndrojë te kuqezinjtë. “Në vitin 2020, vetëm Atalanta mori më shumë pikë. Kemi humbur vetëm në derbi, pas një pjese të parë shumë të mirë.
Jo gjithçka mund të kalojë pa probleme brenda një sezoni, por Ibra e bën të duket gjithçka e lehtë. Është e gabuar t’i referohemi moshës së tij, pasi është 100 për qind një profesionist. Ai u mësoi lojtarëve të rinj seriozitetin dhe konkurrencën në çdo seancë stërvitore.
Ai është i pari që vjen dhe i fundit që ikën nga stërvitja. Këto janë sinjale shumë të forta. Zlatan ka shumë respekt për rolet e të tjerëve. Ai e rri konkurrencën në ekip dhe zemërohet qoftë edhe për një pasim të dobët. Të gjithë jemi të bindur se ai duhet të vazhdojë me ne”, ka deklaruar Pioli për. “La Repubblica”. /abcnews.al
