CEO i kompanisë farmaceutike Merck, i cili ka zhvilluar pilulën e parë antivirale kundër koronavirusit ka shprehur shqetësimin se do të ketë “përplasje” me pilulën kundër Covid të Pfizer, e cila u zhvillua pas Merk.
Eliab Barr, nënkryetari i Merck, tha për Financial Times se të dyja pilulat antivirale janë të nevojshme për të mbrojtur njerëzit nga koronavirusi. Por në të njëjtën kohë, ai tha se disa pacientë nuk do të mund të marrin pilulën e Pfizer për shkak të efekteve anësore të mundshme.
Sipas informacioneve, pilula antivirale Pfizer duhet të merret me ritonavir kundër HIV-it, dhe kjo sipas tij do të thotë që pilula antivirale nuk do të jetë e përshtatshme për shumë persona që vuajnë nga probleme të tjera dhe marrin ilaçe ndërkohë. Një studim i botuar në revistën Nature javën e kaluar identifikoi një “frekuencë jashtëzakonisht të lartë” të efekteve të ilaçeve te pacientët spanjollë me Covid-19, të cilët po merrnin ilaçin antiviral lopinavir së bashku me ritonavir.
Megjithatë, sipas Pfizer, ritonavir është efektiv kur përdoret vetëm ose në kombinim me ilaçe të tjera. Pas përfundimit të trajtimit me Covid-19, pacientët do të marrin dozën normale të ilaçeve të tjera. Nga ana tjetër, Merck – e cila nuk zhvilloi një vaksinë për koronavirusin dhe “vë bast” për pilulën e saj – theksoi sigurinë e ilaçit antiviral molnupiravir, e cila po ekzaminohet nga Administrata e Ushqimit dhe Barnave e SHBA (FDA), raporton abcnews.al
Çfarë kanë treguar provat klinike
Nëse FDA miraton pilulën Merck, qeveria amerikane ka nënshkruar një marrëveshje për të blerë 3.1 milionë pilula për 2.2 miliardë dollarë. Megjithatë, aksionet e kompanisë kanë humbur 17% në bursë gjatë muajit të kaluar, pasi publikimi i të dhënave tregoi se pilula antivirale Pflovid Paxlovid (e cila merret së bashku me ritonavir) është më efektive se Merck për të reduktuar rrezikun e sëmundjeve të zemrës.
Rezultatet përfundimtare të provës klinike të pilulës antivirale Merck nxorën në pah se ajo është 30% efektive (dhe jo 50% siç tregohet në rezultatet paraprake në tetor) në uljen e rrezikut të shtrimit në spital ose vdekjes nga Covid-19.
Barr, megjithatë, vuri në dukje se shumë qeveri – përveç Shteteve të Bashkuara kanë shprehur tashmë interes për të blerë pilulën e saj të re antivirale.
/abcnews.al
