Vetëm 4 ndeshje mjaftuan për të shkatërruar atë që ndërtuan gjatë gjithë sezonit. “Topçinjtë” e Arsenal u mundën mbrëmjen e djeshme me rezultatin e thellë 4 me 1 nga “rivalët” e drejtpërdrejtë për titullin kampion, Manchester City. E sikur të mos mjaftonte kjo tashmë djemtë e Mikel Artetas janë vetëm 2 pikë para “qytetarëve”, me këtë të fundit që kanë zhvilluar 2 ndeshje më pak se “topçinjtë”.
Teksa shumë tifozë e konsiderojnë “arritje” renditjen në vendin e 2-të të Premier League, për gazetarin e mirënjohur anglez nuk është. Kjo për faktin se “topçinjtë” ishin kryesuesit e Premier League për pothuajse gjithë sezonin ku në disa raste kishin më shumë se 10 pikë diferencën me vendin e dytë.
“Le të jemi shumë të qartë. Arsenali përfundoi i dyti pasi kaloi pjesën më të madhe të sezonit në krye të Premier League nuk është një sukses. Progresi – po. Suksesi nuk është. Vetëm fitorja është sukses. Dhe të gjithë tifozët e Arsenalit që mendojnë ndryshe kanë një mentalitet humbës”,- tha në fjalën e tij gazetari, i cili është njëkohësisht dhe tifoz i “topçinjve”. /i.m /abcnews.al
