Një 26-vjeçareje në Angli i është servirur pica më e keqe vegane që kemi parë ndonjëherë, duke na befasuar si me foton që ka postuar në Facebook, ashtu edhe me reagimin e saj.
Mary Nesbitt Larking vizitoi një piceri në Hatfield disa ditë më parë dhe duke qenë vegane, kërkoi një nga picat vegane që ishin në listën e dyqaneve. Mirëpo, siç e kanë informuar, atyre u kishte mbaruar djathi vegjetal, ndaj ajo u kërkoi atyre që si alternativë t’i shtonin arra pishe dhe qepë në picën e saj. Por ajo që më në fund erdhi në tryezën e saj, ajo me siguri nuk e priste!
Për të qenë të saktë, i servirën bazën e pjekur të picës me salcë domate sipër dhe si sipër disa feta qepë të papërpunuara dhe asgjë tjetër! Më e mira; Ata i ngarkuan asaj 9 £ për këtë picë të supozuar.
Mary Nesbitt Larking nuk i ka rezistuar dot tundimit për të postuar foton e kësaj pice të çuditshme në profilin e saj në Facebook, duke komentuar se është një përbindësh. Siç mund ta kuptoni, përdoruesit e rrjeteve sociale nuk mund ta linin pa vëmendje, me komentet poshtë fotos që varionin nga humori deri tek ato abuzive, për picerinë që shërbeu këtë pjatë të veçantë./abcnews.al
