Pas puthajse 12 vitesh “mbijetesë” në skuadrën e Manchester United, mbrojtësi anglez, Phil Jones do të largohet këtë verë nga “djajtë e kuq”, me 31-vjeçarin që do të largohet nga “Old Trafford”, si një lojtarë i lirë kur të përfundojë kontrata aktuale në fundin e sezonit.
Jones ka qenë pjesë e United, që prej vitit 2011, ku në këtë periudhë arriti të ishte pjesë e fitores së Premier League, Europa League, si dhe Carabao e FA Cup, mirëpo kurrë nuk arriti të ishte një protagonist i vërtetë me fanellën e “djajve”.
Në total Phil Jones luajti 229 herë për Manchester United, teksa kujtojmë se 31-vjeçar nuk ka luajtur asnjë ndeshje këtë sezon për “djajtë”, ndërsa ndeshja e fundit e tij është regjistruar në përballjen e 2 majit të vitit 2022, përballë Brentford. /i.m /abcnews.al
