Vaksina Covid-19 e Pfizer- BioNTech ka rezultuar 73 për qind efektive në mbrojtjen e foshnjave – nga mosha 6 muaj deri në 4 vjeç gjatë kohës kur varianti Omicron i koronavirusit ishte shumë i përhapur, sipas një njoftimi të kompanisë farmaceutike Pfizer, shkruajnë mediat e huaja.
Foshnjat në studim morën ose tre doza të vaksinës Pfizer-BioNTech ose një placebo. Efektiviteti i vaksinës ishte 73.2% tek foshnjat e moshës 6 muaj deri në 4 vjeç, sipas rezultateve të publikuara.
“Ndërsa këto rezultate konfirmojnë se tre dozat e vaksinës Covid-19 u siguruan foshnjave një nivel të lartë mbrojtjeje në një kohë kur nënvarianti Omicron BA.2 ishte shumë i përhapur, ne po zhvillojmë gjithashtu një vaksinë që të jetë efektive për variantin Omicron BA,” tha Ugur Sahin, CEO dhe bashkëthemelues i BioNTech.
/abcnews.al
