Një aksident i rëndë ka ndodhur mbrëmjen e kësaj të mërkure në Shkodër. Mësohet se një 45-vjeçar ka pësuar arrest kardiak në timon dhe ka humbur kontrollin e automjetit.
Si pasojë, është përplasur me dy automjete dhe ka ndërruar jetë në spital.
Njoftimi i Policisë:
Rreth orës 20:20, në lagjen “Naim Gjylbegu” shtetasi 45 vjeç, duke drejtuar automjetin e tij, dyshohet se ka pësuar arrest kardiak dhe për pasojë ka humbur kontrollin mbi drejtimin e automjetit duke u përplasur me 2 automjete të parkuara.
Shtetasi ka humbur jetën në Spitalin Rajonal Shkodër.
Grupi hetimor po punon për sqarimin e plotë të rrethanave dhe shkakut të këtij rasti./abcnews.al
