Sulmuesi kolumbian i Galatasaray, Radamel Falcao u shtrua sot në spital për për shkak të një frakture në fytyrë që pësoi në një përplasje gjatë seancës stërvitore të ditës së sotme.
Vetë klubi i Galatasray bën me dije se Falcao u dëmtua gjatë një dyluftimi në ajër me Kerem Akturkoglu në stërvitje dhe në spitalin Ulus Liv u konfirmua se ai ka pësuar një frakturë në fytyrë, e cila do të kërkojë ndërhyrje kirurgjikale në orët e ardhshme, me anestezi totale.
Falcao do të duhet t’i nënshtrohet një operacioni për të zvogëluar frakturën, ndërsa Akturkoglu, i cili nuk ka dëmtime, gjithashtu do të duhet të qëndrojë në spital, sipas protokolleve pas goditjeve në kokë.
Medical Park Sağlık Raporu: Radamel Falcao – Kerem Aktürkoğlu pic.twitter.com/lCC0yGcjTF
— Galatasaray SK (@GalatasaraySK) April 11, 2021
Kolumbiani, i cili nuk luajti këtë të shtunë në barazim kundër Karagumruk, ka shënuar tre gola që nga kthimi nga dëmtimi më 27 shkurt, teksa ka luajtur 6 ndeshje. Këtë sezon ai ka luajtur shumë pak prej probleme të mëdha fizike. /abcnews.al
