Me kalimin e viteve do të takoni shumë njerëz me të cilët do të krijoni miqësi. Si të gjitha ndjenjat dhe miqësia, ajo ka nuanca të ndryshme, me disa do të keni lidhje më të forta se me të tjerët, disave do t’i besoni më shumë dhe me të tjerë do të pëlqeni të kaloni kohën e lirë.
E keni pyetur veten se si t’i dallosh miqësitë e vërteta nga ato që mund të jenë falso? Ka pesë lloje sjelljesh dhe veprimesh që na ndihmojnë të dallojmë një mik të vërtetë dhe një të njohur sipërfaqësor.
Ata janë aty kur keni më shumë nevojë për mbështetje
Nuk është thjesht një klishe, miqtë e vërtetë mund të përkufizohen si të tillë nëse janë pranë jush kur keni vërtet nevojë për ta.
Ata janë afër edhe nëse janë larg
Miqtë e vërtetë janë gjithmonë pranë jush edhe kur janë fizikisht larg.
Këta janë njerëzit që edhe nëse i shihni sërish vetëm pas shumë kohësh, duket se nuk ka kaluar as një moment.
E thonë ashtu siç është
Miqtë e vërtetë janë të sinqertë me ju, ata ju tregojnë se si është dhe jo atë që dëshironi të dëgjoni, ata janë të ashpër me ju kur është e nevojshme, kur kuptojnë se po filloni të humbni drejtimin sepse ata duan vetëm më të mirën për ju.
Ata nuk po përfitojnë nga ju
Miqtë e vërtetë nuk përfitojnë prej jush, nuk ju kërkojnë vetëm kur kanë nevojë për ju, nuk zhduken vetëm për t’u shfaqur më vonë vetëm për t’ju kërkuar një nder. Duhet të ketë një balancë – të dyja palët marrin dhe japin në mënyrë të barabartë.
Ata ju pranojnë ashtu siç jeni
Kjo është ndoshta më e rëndësishmja nga të gjitha: themeli i besimit dhe i përkushtimit duhet të jetë pranimi i pikave të forta dhe të dobëta. Miqtë e vërtetë ju pranojnë ashtu siç jeni dhe nuk përpiqen t’ju ndryshojnë sipas dëshirës së tyre.
