Allnigeriasoccer.com ka publikuar 5 lojtarët nigerianë me statistikat më të mira shënuese në Europë. Në vend të parë qëndron Kyrian Nëabueze, goleadori i Laçit. 27-vjeçari është surpriza e këtij sezoni në Superiore, aty ku ka shënuar 17 gola në 25 ndeshje dhe është golashënuesi më i mirë, teksa fazën e parë e mbylli me 14 gola të shënuar në 15 takime.
Në vend të dytë renditet Cyriel Dessers i Heracles Almelo. 25-vjeçari i lindur në Belgjikë ka shënuar 15 gola në 26 ndeshje të zhvilluara në Eredivisie. Podi kompletohet Kingsley Onuegbu, i cili aktivizohet në Qipro me Nea Salamina Famagusta
34-vjeçari numëron 14 gola të shënuar në 23 ndeshje të zhvilluara. Më pas vjen Victor Osimhen i Lille, me 13 gola të shënuar në Ligue 1 në 27 ndeshje. Nigeriani i pestë vjen nga Serbia. Ai është Sadiq Umar, ish-sulmuesi i Romës. 23-vjeçari është pjesë e Partizanit të Beogradit dhe ka realizuar 11 herë në 22 përballje. /abcnews.al
