Një grup militantësh të Partisë Demokratike dhe Partisë së Lirisë protestuan sërish para Bashkisë së Tiranës këtë të premte.
Më shumë se për dorëheqjen e kryebashkiakut Erion Veliaj u duk se mbështetësit e opozitës kishin dalë për të kërkuar lirimin e Sali Berishës.
Me flamuj të Partisë Demokratike në duar qëndruan në këtë shesh për rreth 30 minuta.
Kohë kjo kur Erion Veliaj nuk ishte në zyrë. Kryebashkiaku i Tiranës po përuronte shkollën 9-vjeçare “Musine Kokalari” në Kombinat e cila pas rindërtimit pret rreth 750 nxënës me kushte moderne.
/abcnews.al/
