Pesë persona janë vënë në pranga në Tiranë në kuadër të operacionit policor të koduar “Shady snake”.
Ata kishin përshtatur ambientet e disa subjekteve, për organizimin e lojërave të fatit, si dhe ushtronin veprimtarinë e paligjshme të vënies së basteve sportive, nëpërmjet celularëve.
Gjatë kontrolleve të ushtruara në disa subjekte të vëna, në celularët e këtyre personave, shërbimet e Policisë gjetën faqe dhe linqe që shërbenin për vënien e basteve sportive.
Gjatë operacionit u sekuestruan në cilësinë e provës materiale, 7 celularë që shërbenin për këtë veprimtari të paligjshme./abcnews.al
