Dhjetëra mijëra njerëz dolën në rrugë në Francë, në Ditën e Punës, për të protestuar sërish kundër reformës së sistemit të pensioneve, e cila u krye nga qeveria e presidentit Emmanuel Macron.
Gjatë ditës protestat e 1 Majit në Paris morën një kthesë të dhunshme, ku policia franceze bëri rreth 30 arrestime.
Demonstruesit hodhën koktej molotovi dhe sende të tjera ndaj oficerëve të policisë, njëri prej të cilëve mori flakë.
Forcat u përpoqën të përçajnë një grup protestuesish, raportojnë mediat franceze.
???URGENT – Un policier a pris feu après avoir reçu un cocktail molotov dans les rues de #Paris. L’agent est à terre. (?@xztim_) pic.twitter.com/oHvnSIWRGs
— AlertesInfos (@AlertesInfos) May 1, 2023
Ndërkohë incidente ka pasur edhe në Lion, raporton BFMTV, duke shtuar se makina dhe dyqane janë dëmtuar.
???EN DIRECT – Des policiers prennent feu après le jet d’un cocktail molotov de la part d’un manifestant à #Paris. (?@LibreQg) pic.twitter.com/7ZEvXMVqHb
— AlertesInfos (@AlertesInfos) May 1, 2023
Demonstratat u mbajtën që në mëngjes në shumë qytete të mëdha dhe më të vogla. Sindikatat kishin organizuar më shumë se 300 mitingje.
Në të gjithë vendin, autoritetet prisnin midis 500,000 dhe 650,000 protestues. Vetëm në Paris u mblodhën 100,000 demonstrues. Numri është ulur dukshëm nga demonstratat e muajve të kaluar.
[DIRECT] A Paris, la manifestation et la colère sont immenses pour ce #1erMai. Les CRS essaient de couper le cortège en deux pour mieux réprimer. #Le1er pic.twitter.com/GlnE3mWEPk
— Révolution Permanente (@RevPermanente) May 1, 2023
Sindikatat shpresonin se më shumë se 1 milion njerëz do të demonstronin sot në qytetet franceze. Vitet e fundit, demonstratat e 1 Majit në Francë kanë tërhequr nga 100,000 deri në 160,000 njerëz.
Qeveria e Macron e konsideron të mbyllur reformën e pensioneve, e cila rriti moshën e pensionit në 64 vjeç nga 62. Megjithatë sindikatat dhe disa anëtarë të opozitës nuk kanë hequr dorë nga lufta dhe duan të pengojnë zbatimin e projektligjit nga 1 shtatori. /abcnews.al
