Javët e fundit, kryetari i Partisë së Lirisë, Ilir Meta është shfaqur tepër aktiv dhe i angazhuar me aktivitete sportive, si ushtrime në palestër apo ecje në natyrë.
I ftuar në “Tirana Live”, sekretari i Partisë së Lirisë, Endrit Brahimllari ka thënë se ky është një mesazh i Metës, i cili po përgatitet për betejën e ardhshme elektorale.
Sakaq, ai ka theksuar se kjo betejë kërkon energji pozitive, që Metën e karakterizon.
“Për mua nuk bën ndonjë risi, zoti Meta është vetë natyra sportiv dhe kur ka qene president i republikës ka promovuar turizmin malor. Është përgatitja e tij fizike, por sigurisht që ka dhe një mesazh për t’u përballur me betejën e ardhshme elektorale kërkon një përgatitje dhe një energji pozitive që Zoti Metën e karakterizon”, tha Brahimllari./abcnews.al
