“Përse me bllokove rrugën, përse më sheh shtrembër”. Kjo ishte zanafilla e konflitit me thikë në “Qytetin Studenti”, ngjarje e ndodhur për motive banale mesditën e së enjtes në kryeqytet.
ABC News mëson se ku ka qenë diskutimi mes autorit, 19-vjeçarit Ajdin Ajvazi dhe të plagosurit, 20-vjeçarit Aron Demiraj.
Fillimisht, ata kanë debatuar me tone të ashpra, më pas janë përleshur dhe autori e ka plagosur me thikë 20-vjeçarin.
Më pas, është larguar me nxitim nga vendi i ngjarjes dhe rreth 30 minuta më pas është arrestuar./abcnews.al
