Kryeministri gjeorgjian Giorgi Gakharia ka dhënë dorëheqjen. Ai sqaroi se ai po dorëhiqet për shkak të një mosmarrëveshje me grupin e tij mbi çështjen e ndalimit të një politikani opozitar, Nika Melia, raportojnë mediat vendase, përcjell abcnews.al.
Kjo pason vendimin e Gjykatës së qytetit të Tbilisi për të dërguar në paraburgim Nika Melia, kryetar i partisë më të madhe të opozitës.
“Fatkeqësisht, nuk munda të arrij një mirëkuptim të përbashkët për këtë çështje me ekipin tim dhe vendosa të jap dorëheqjen. Unë shpresoj, se ky hap do të kontribuojë në uljen e polarizimit në hapësirën tonë politike, pasi unë besoj se polarizimi dhe konfrontimi paraqesin rreziqet më të mëdha për të ardhmen dhe zhvillimin ekonomik të vendit tonë, “deklaroi Gakharia.
Dorëheqja vjen ndërsa kriza pas zgjedhjeve të tetorit vazhdon të shqetësojë politikën gjeorgjiane. Shumica e opozitës, përfshirë UNM, po hedh poshtë rezultatet zyrtare dhe po refuzon të hyjë në Parlamentin e ri. Bisedimet e ndihmuara nga jashtë për të kapërcyer krizën janë bllokuar që nga dhjetori. g.v/abcnews.al
