Një sasi e konsiderueshme droge është identifikuar në një prej automjeteve që u përfshinë në aksident mbrëmjen e djeshme në afërsi të Milotit përgjatë Rrugës së Kombit. Zbulimi i lëndës narkotike ka qenë krejt i rastësishëm për policinë e Lezhës, e cila kishte shkuar në vendngjarje pas përplasjes se dy automjeteve që solli më pas edhe bllokimin e lëvizjes përgjatë Rrugës së Kombit. Përplasja me një tjetër autoveturë, por edhe me barrierat mbrojtëse të rruges ka dëmtuar automjetin tip audi në të cilin udhëtonin dy persona në bagazhin e të cilës policia zbuloi edhe lëndën narkotike të futur në disa thasë. Policia ka shoqëruar për të marrë në pyetje drejtuesin e autoveturës ku u gjet lënda narkotike, ndërsa ka shpallur në kërkim edhe personin që e shoqëronte, por pa bërë të ditur identitetin e tij. /abcnews.al
