Përplasen makinat, të plagosurit dërgohen në Tiranë

Katër persona janë plagosur në një aksident të rëndë në rrugën Fushë Krujë-Laç, tek rrethrrotullimi i Thumanës. Sipas policisë, një automjet tip “Ford” është përplasur me një makinë tip “Wolksvagen”.

Për pasojë u plagosën drejtuesit e dy mjeteve dhe dy pasagjerë. Të katër të lënduarit u dërguan me Urgjencë në Spitalin e Traumës në Tiranë. Policia nuk ka përcaktuar akoma shkakun e këtij aksidenti./ABC News Albania 24/7