Përplasen dy “Jet Ski” në plazhin e Velipojës, një i lënduar

SHKODËR– Në plazhin e Velipojës, në thellësi të detit rreth 1 milje jashtë përimetrit të sigurisë, dyshohet se si pasojë e manovrave të gabuara, janë përplasur dy mjete lundruese Jet Ski, të drejtuara nga dy italianë.

Si pasojë e përplasjes, ka ngelur i dëmtuar njëri prej dy drejtuesve, i cili po merr ndihmë në spitalin rajonal të Shkodrës.

Të dy mjetet lundruese “Jet Ski” u bllokuan nga shërbimet e Policisë Kufitare. Grupi hetimor, nën drejtimin e Prokurorisë, vijon punën për sqarimin e plotë të rrethanave të rastit./abcnews.al