Përmbytjet në fshatin Vajzë/ Iu dëmtua banesa nga rrëshqitja e dherave, kryefamiljari tregon momentet e panikut: Në mes të natës ranë muret e jashtme

Banorët e fshatit “Vajzë” të cilëve iu rrezikua banesa pas shembjes së dherave nga reshjet e dendura të shiut janë shprehur të shqetësuar.

Në një intervistës për “ABC News”, ata treguan momentet e frikës dhe panikut kur kuptuan se ndodheshin të rrezikuar. Një prej kryefamiljarëve, tregoi se gjatë natës, ranë muret e jashtme të banesës dhe aty dolën menjëherë jashtë, pasi ishin të gjithë të rrezikuar.

Ai shprehet i shqetësuar, për situatën dhe kërkon një zgjidhje.

“Nga ora 02: 00 e natës ranë muret e jashtme. Dhe më pas u ngritëm dhe menjëherë kemi dalë jashtë. Kemi shpëtuar për pak. Presim që shtëpia të batohet nga momenti në moment, nuk guxojmë të futemi brenda të marrim diçka. Shtëpitë janë të reja. Deri tani nuk kemi asnjë informacion. Policia dhe nga bashkia kanë ardhur, por ende nuk kemi asnjë sqarim”, ka thënë ai.

“Nuk marr dot asnjë gjë. Është e rrezikshme”, u shpreh një tjetër kryefamiljar.