Përmbytjet në Durrës/ PD kallëzim në SPAK për Emirjana Sakon, Ministrinë e Bujqësisë dhe Drejtorinë e Kullimit

Ilirjana Kucana, anëtare e Këshillit kombëtar të PD, ka kallëzuar në SPAK Ministrinë e Bujqësisë, Drejtorinë e Kullimit Durrës, dhe kryetaren e Bashkisë së Durrësit, Emirjana Sakon lidhur me përmbytjet e fundit në qarkun e Durrësit.

Në kallëzimin drejtuar Prokurorisë së Posacme, Kucana shprehet se është në dijeni të veprimtarisë penale të parashikuar nga neni 248 i Kodit Penal, konkretisht ‘Shpërdorimi i detyrës’, si edhe veprave të tjera penale që do të rezultojnë nga hetimi.