Shirat e rrëmbyeshëm që goditën dje të martën veriperëndimin e Turqisë shkaktuan vdekjen e tetë personave, sipas bilancit të fundit të dhënë sot nga autoritetet.
Ekipet e shpëtimit në terren në provincën e Kirklarelit (Saranda Ekklesies), në kufi me Bullgarinë, gjetën sot trupin e një viktime, i cili ishte në kërkim prej dy ditësh.
Dy persona të tjerë vdiqën mbrëmjen e së martës në Stamboll, qyteti më i madh i vendit, ku disa rrugë u kthyen në përrua.
Viktimat e përmbytjeve në provincën Kirklareli, të cilët ishin në zonë për pushime, u gjetën në kabina me dru të ndërtuara pa leje në mes të pyllit kur shirat e rrëmbyeshëm goditën zonën.
Ndaj pronarit të një zyre turistike ka nisur një hetim dhe është lëshuar një urdhër arresti, njoftoi sot ministri turk i Drejtësisë Yilmaz Tunce.
