Një pjesë e parë e dobët dhe një pjesë e dytë e mrekullueshme. Bayern Munchen fitoi 5-2 me përmbysje ndaj Mainz ditën e djeshme, takim ku kampionët në fuqi u paraqitën me dy fytyra.
Në fraksionin e parë të sfidës nuk i kishin ndezur akoma motorët dhe miqtë realizuan dy gola. Pushimi i bëri mirë djemve të Flick dhe pjesa e dytë nuk kishte aspak histori.
Pesë gola (Kimmich, Sule, Sane, Lewandowski 2x) dhe përmbysje fantastike për ta nisur vitin e ri me tre pikë. Trajneri i Bayern Munchen, Hans-Dieter Flick analizoi takimin, duke zbuluar se çfarë ndodhi në pushimin mes pjesëve.
“Pjesa e parë ishte shumë e shëmtuar për të qenë e vërtetë. Gabuam shumë, nuk luftuam sa duhet në topat e dytë. Nuk krijuam shumë, ndërsa Mainz ishte më i vendosur se ne.
Ndryshuam totalisht në pjesën e dytë. Në pushim inkurajova djemtë të bënin më mirë. U thashë që nuk mund të pajtohemi me këtë rezultat. U futëm në fushë me dëshirë për të bërë më mirë dhe ia dolëm.
Reaguam dhe nisëm të luanim një futboll shumë të bukur, përdorëm forcën tonë mentale për të kthyer rezultatin dhe për të fituar ndeshjen“, deklaron trajneri bavarez. /abcnews.al
