KUKËS- Aksident në Rrugën e Kombit. Mesohet se një kamion është përmbysur në rrugë, ndërsa dyshohet se drejtuesi i tij ka humbur jetën.
Abc News ka siguruar pamjet e para nga vendi i aksidentit. Në pamje shihet kamion i tonazhit të rëndë i përmbysur në mes të rrugës. Kamioni ishte ngarkuar më lëndë drusore, ndërsa ngjarja ka ndodhur në Fushë-Dukagjin.
Kamioni ka prishur trafikndarësen dhe ka kaluar në anën tjetër të rrugës duke u përplasur edhe me pjesën anësore të shkëmbit. Zjarrfikësit dhe një grup personash po punojnë për të nxjerrë shoferin, i cili ndodhet brenda kamionit. Një krah i segmentit rrugor është bllokuar, pasi kamioni ka bllokuar të gjithë karrexhatën./n.m.abcnews.al
