Përkujtohet në Lezhë 148 vjetori i lindjes së poetit ‘At Gjergj Fishta, ku marrin pjesë autoritete të shumta vendore e qëndrore, studiues, historianë, shkrimtarë dhe qytetarë të Lezhës.
Frano Kulli, Përgjegjës i Bibliotekës “Gjergj Fishta” Lezhë tha:
“Edhe sot vazhdojmë të flasim për Fishtën por shtëpia e lindjes së Fishtës është e rrafshuar e ndërsa ajo ku rriti shtatin duke u rrënuar. Sot përkujtojmë Fishtën por shumë ende nuk e duan si pasojë e një shtypjeje që i bëri kësaj figure regjimi”.
Ndërsa kryetari i bashkisw Lezhë Pjerin Ndreu tha se Qeveria Shqiptare dhe Ministria e Kulturës eshte e gatshme te investoje.
“Qeveria shqiptare dhe Ministria e Kulturës janë të gatshme për të investuar për shtëpinë e Fishtës dhe jemi në hapat e fundit për të zgjidhur këtë mangësi shumëvjeçare për këtë emër të madh për kombin shqiptar“, tha Ndreu./abcnews.al
