Partia Demokratike ka kërkuar që Kuvendi të tërhiqet nga vendimi për të përjahstuar gazetarët nga mbledhjet e komisioneve parlamentare.
Ky vendim i Byrosë së Kuvendit ka sjellë kundërshtimin e gazetarëve, të cilët një ditë më parë u mblodhën në shenjë protestë përpara Parlamentit.
Deputetja e zgjedhur e PD, Albana Vokshi përmes një deklarate ka mbështetur shqetësimin e gazetarëve, duke shtuar se edhe BE tha fjalën e saj kundër pengimit të gazetarëve për të raportuar lirshëm.
Vokshi e ka cilësuar këtë si vendim të paligjshëm, anti-kushtetues dhe i kërkon Kuvendit q ëtë tërhiqet.
“Ky është një vendim politik, i marrë nga Byroja e Kuvendit, e cila drejtohet nga Granoz Ruçi dhe jo nga Sekretari i Përgjithshëm i Kuvendit. Si i tillë, në vend të justifikimeve, Gramoz Ruçi duhet të kërkojë ndjesë publikisht dhe të tërheqë pa vonesë vendimin e gabuar!” shprehet Vokshi ndrë të tjera.
Reagimi i plotë:
Gazetarët e thanë fjalën e tyre. Kurajozë dhe me integritet, gazetarët e ngritën zërin kundër censurës së Parlamentit dhe kundër izolimit të tyre.
Edhe BE e tha fjalën e vet kundër pengimit të gazetarëve për të raportuar lirshëm në Kuvendin e Shqipërisë. Një falenderim edhe për qendrimin e ambasadores së Francës pro lirisë se medias dhe kundër censures shtetërore.
Tani i takon Kuvendit të Shqipërisë të tërhiqet. Vendimi i paligjshëm, antikushtetues dhe antidemokratik që pengon gazetarët të bëjnë punën e tyre në Kuvend duhet të zhbëhet. Ky është një vendim politik, i marrë nga Byroja e Kuvendit, e cila drejtohet nga Granoz Ruçi dhe jo nga Sekretari i Përgjithshëm i Kuvendit. Si i tillë, në vend të justifikimeve, Gramoz Ruçi duhet të kërkojë ndjesë publikisht dhe të tërheqë pa vonesë vendimin e gabuar!
Kufizimi i lirisë së medias në një vend që pritet të hapë negociatat me BE është po aq i papranueshëm sa vjedhja e votës!
g.v/abcnews.al
