Gjermania ka vendosur që të bllokojë të gjitha fluturimet turistike nga Mbretëria e Bashkuar. Autoritetet shëndetësore e kanë marrë këtë vendim për të ndaluar përhapjen e variantit Omicron. Vendimi do të hyjë në fuqi ditën e hënë raporton “The Guardian”.
Autoritetet nuk do të bllokojnë fluturimet nga Mbretëria e Bashkuar të qytetarëve gjermanë dhe shtetasve të huaj që jetojnë në Gjermani. Personat që do të hyjnë në Gjermani duhet të paraqesin një test negativ PCR dhe duhet të karantinohen për 14 ditë. Ky vendim do të aplikohet dhe për personat e vaksinuar.
Instituti Robert Koch e mori këtë vendim pas përhapjes së madhe të variantit Omicron në Mbretërinë e Bashkuar. Instituti deklaroi se kufizimet mund të zgjasin të paktën deri në 3 janar. Franca vendosi kufizime të ngjashme ditën e premte. /abcnews.al
