Përgatiste një sulm terrorist me substancë kimike, arrestohet palestinezi

Policia italiane ka arrestuar një person që dyshohet se po përgatiste një sulm me helm dhe armë kimike në Sardenja. Kështu pretendojnë hetuesit italianë që kanë ndjekur dhe monitoruar lëvizjet e ekstremistit islamik. Personi i arrestuar kishte leje qëndrimi italiane dhe një dokument palestinez. Arrestimi i tij është bërë në orët e para të së mërkurës ndërsa po largohej nga banesa e tij. Agjentët e bllokuan menjëherë pasi hipi në një furgon. Përpara se të niste operacioni, policia bllokoi të gjithë zonën ku banonte palestinezi, në mënyrë që ai të mos arratisej. /abcnews.al